🌸 Karanasan sa Kulturang Hapon “Ikebana” sa International Festa 2024: Nag-iimbita ng mga Kalahok! (Libre ang paglahok. Kinakailangan ang reserbasyon.)

Ang “ikebana” ay ang sining ng maayos na pag-aayos ng mga bulaklak at dahon sa isang lalagyan. Isa ito sa mga tradisyonal na sining ng Japan. Sa darating na Nobyembre 24 (Linggo), sa International Festa 2024, magkakaroon kayo ng pagkakataong maranasan ang ikebana. Sa mga dayuhang residente, tara at subukan natin ang kulturang Hapon! Inaanyayahan namin kayong lumahok.

Karanasan sa “Ikebana” sa International Festa 2024

Araw ng Pagdaraos: Nobyembre 24, 2024 (Linggo)

Oras: ① 10:30-11:30　② 12:00-13:00　③ 13:30-14:30

Lugar: Hiroshima International Conference Center, B1F, Conference Operations Office

Bilang ng Kalahok: 8 tao bawat sesyon

Bayad sa Paglahok: Libre

Paraan ng Pagparehistro: Tumawag upang magpareserba sa numerong nasa ibaba.
　　　　　　　　　　　　Tel: 082-242-8879 (City Diversity & Inclusion Division, Hiroshima Peace Culture Foundation)

* Para sa mga hindi gaanong nakakapagsalita ng Nihongo at gustong magpareserba, maaaring tumawag sa “Foreign Residents Consultation Desk in Hiroshima City and Aki County” sa numerong 082-241-5010.

Tungkol sa “International Festa”
Ang “International Festa” ay isang pagdiriwang kung saan maaari ninyong maranasan ang kultura ng iba’t ibang bansa pati na rin ng Japan. Inaanyayahan namin kayong dumalo！

Para sa karagdagang impormasyon, tingnan ang website ng International Festival 2024.